08 ноября 2014 г.
Ноябрĕн 1-мĕшĕнче Çĕнĕ Шупашкарта, Олимп резервĕсене хатĕрлекен спорт шкулĕнче, 2002-2004 çулсенче çуралнă ачасем хушшинче çăмăл атлетикăра мала тухассишĕн республика пĕлтерĕшлĕ ăмăрту иртнĕ. Унта Шăмăршăри çамрăк спортсменсем те хутшăннă. 2003 çулта çуралнă, Шăмăршăри вăтам шкулта вĕренекен Паша Сергеев 300 метра чупса çĕнтерỹçĕ пулса тăнă, 60 метра чупса тăваттăмĕш вырăн йышăннă. 2004 çулта çуралнă ачасем хушшинче 300 метра чупса пирĕн Паша Павлов виççĕмĕш вырăн йышăннă. Çĕнтерỹçĕсене медальсемпе тата дипломсемпе чысланă.
М.ЯКОВЛЕВ.
Источник: "Шăмăршă хыпарĕ"