26 мая 2014 г.
Майăн 12-15-мĕшĕсенче Санкт-Петербург хулинче кире пуканĕ йăтассипе ветерансен Европа чемпионачĕ иртнĕ, унта пирĕн çĕр-шыври паллă спортсменсемпе пĕрле Шотланди, США, Ирланди, Норвеги, Хорвати, Франци, Финлянди, Казахстан, Латви, Украина, Кăркăсстан, Беларуç çĕр-шывĕсен паттăрĕсем те хутшăннă. Çак чемпионатра Чăваш Ен тата Раççей чысне хỹтĕленĕ пирĕн районти Тĕнче, Европа тата Раççей чемпионĕ, Раççей спорт мастерĕ В.Шуряковпа Улатăрти спорт мастерĕ В. Притуренко пысăк çитĕнỹ тунă, çивĕч кĕрешỹре иккĕшĕ те ылтăн медаль çĕнсе илнĕ. В.Шуряков хăйне Европа чемпионатне кайса килме спонсор пулăшăвĕ панăшăн Шăмăршăри "Кудесник" магазин директорне В.Любимова, полици уйрăмĕн пуçлăхне С.Агеева тата пĕтĕм коллектива, Раççей спорт мастерне О.Еремеева (Анат Чаткас), строительство организацийĕн ертỹçине Н.Быкова (Шăмăршă) чĕререн тав тăвать. В. Шуряков çывăх кунсенче Германире иртекен ăмăртăва кайма хатĕрленет.
В.АНТОНОВ.
Источник: "Шăмăршă хыпарĕ"