00:00 21 февраля 2013 г.
АЧАСЕМПЕ çамрăксен "Туслăх" спорт шкулĕнче ăсталăха туптакан ачасем тĕрлĕ ăмăртусенче çитĕнÿсем туса савăнтарсах тăраççĕ. Дзюдо енĕпе иртнĕ Чăваш Республикин турнирĕнче (1993-1995 çулсенче çуралнисем) Шăмăршă каччи Игорь Ефимов хăйĕн виçе категорийĕнче виççĕмĕш вырăна тухнă. 90 килограма çитичченхи виçере кĕрешнĕ Виçпÿрт Шăмăршăн маттурĕ Артем Егоров иккĕмĕш вырăн çĕнсе илнĕ.
1999-2000 çулта çуралнă хĕр ачасемпе арçын ачасем хушшинчи республика турнирĕ те пирĕншĕн çĕнтерÿсем илсе килнĕ. Дмитрий Горбунов (66 килограма çитичченхи виçе) – пĕрремĕш, Никита Архипов тата Алсу Федорова хăйсен йывăрăш виçисенче иккĕмĕш, Денис Захаров, Андрей Елисеев, Евгений Михайлов виççĕмĕш пулнă.
Александр ИЧАНКИН, ачасемпе çамрăксен "Туслăх" спорт шкулĕн тренерĕ.