Публикации » Пĕрлĕхре - вăй

08 ноября 2014 г.

Халăхсен пĕрлĕхĕн кунне халалласа ноябрĕн 4-мĕшĕнче пĕтĕм çĕр-шывĕпех уяв мероприятийĕсем иртнĕ. Çак кун Шăмăршăри тĕп площадьре "Эпир пĕрле чухне, пире никам та çĕнтереймест" тĕллевпе район центрĕнчи ĕç коллективĕ-сен представителĕсен савăнăçлă митингĕ иртнĕ. Митинга хутшăннисем умĕнче район администрацийĕн пуçлăхĕ В.Фадеев сăмах каланă. Валерий Петрович, пурне те пысăк уяв ячĕпе чĕререн саламланă май, Раççей патшалăхĕнчи халăхсен пĕрлĕхне çирĕплетесси паян уйрăмах пысăк пĕлтерĕшлĕ пулнине палăртнă. Уяв мероприятийĕсем районти ялсенче те иртнĕ. Ноябрĕн 1-мĕшĕнче районти культура аталанăвĕн центрĕнче "Пĕрлехи çемьере" ятпа иртнĕ уяв концертне чи лайăх илемлĕ пултарулăх коллективĕсен вăйĕпе йĕркеленĕ. Спорта юратакансем валли ялсенче тĕрлĕрен спорт ăмăртăвĕсем пулса иртнĕ. С.ИВАНОВ.

Пĕрлехи

Источник: "Шăмăршă хыпарĕ"